“Qendër Komunitare për Shërbime ndaj Aftësisë së Kufizuar” është një projekt i financuar nga Bashkimi Evropian dhe i zbatuar nga World Vision Albania në bashkëpunim me Bashkinë Prrenjas.
Qëllimi kryesor i këtij projekti është që fëmijëve dhe të rinjve me aftësi të kufizuara në bashkinë Prrenjas t’iu ofrohen mundësitë për të arritur potencialin e tyre të plotë. Projekti mbështet 180 fëmijë dhe të rinj me aftësi të kufizuara dhe ofron shërbim:
- Në shtëpitë e fëmijëve, përmes njësisë lëvizëse të specialistëve;
- Në ambientet e Qendrës Komunitare përmes njësisë së dytë të specialistëve;
- Si dhe në shkolla, përmes profesionistëve të gjithëpërfshirjes (mësues ndihmës, punonjës socialë, psikologë), të cilët edhe janë trajnuar.
Aktivizmi rinor dhe vullnetarizmi është një tjetër shtyllë e këtij projekti. Të rinjtë do të trajnohen për t’u bërë qytetarë aktivë dhe do të mbështeten për të ndërmarrë aktivitetet e tyre në mbështetje të aftësisë së kufizuar dhe përfshirjes sociale.
Si bazë ligjore për zbatimin e projektit do të shërbejnë udhëzimet e miratuara nga Ministria e Shëndetësisë dhe Mbrojtjes Sociale që nga data 2 qershor 2022 për Shërbimet e Integruara Mobile në shtëpi për fëmijët me aftësi të kufizuara dhe familjet e tyre.
