Programi i Fuqizimit Ekonomik synon të mbështesë familjet në rritjen e të ardhurave dhe reziliencës, duke patur në fokus barazinë gjinore, përfshirjen sociale dhe edukimin financiar të cilat çojnë në përmirësimin e mirëqenies së fëmijëve dhe familjeve.
Puna e World Vision në Shqipëri në programin e fuqizimit ekonomik konsiston në përmirësimin e vetë-efikasitetit dhe kohezionit social; aksesit në të mësuar; njohurive dhe kapaciteteve të fermerëve dhe familjeve të tyre (gratë, burrat dhe rinia) për të mundësuar një jetesë të qëndrueshme në bujqësi duke promovuar menaxhimin e burimeve natyrore dhe përdorimin e praktikave moderne në bujqësi. Duke i pajisur familjet me mjetet dhe njohuritë e nevojshme, ne përpiqemi të fuqizojmë komunitetet, për të ndërtuar një të ardhme shpresëdhënëse.
553 fermerë u orientuan në zinxhirin e produktit të vlerës për produkte të përzgjedhura në komunitetet e tyre.
262 fermerë përfunduan trajnimin e edukimit financiar në 5 bashki (Dibër, Korçë, Kurbin, Librazhd dhe Fushë-Krujë).
115 fermerë (113 gra dhe 2 burra) mësuan si të kultivojnë bime mjekësore dhe të mbrojnë Parkun Kombëtar të Korab-Koritnik-ut.
379 fermerë u mbështetën me fidanë arrash, lajthish dhe gështenjash.
332 fermerë u pajisën me fertilizues për bimët, çanta paketimi produktesh dhe mjete të tjera që i ndihmojnë ata në punën e tyre të përditshme në fermë.
Fermerët rrisin efikasitetin e punës së tyre, e njëkohësisht edhe mirëqenien e fëmijëve dhe familjeve. Fermerët ndihmohen të përdorin praktika të menaxhimit të qëndrueshëm të burimeve/potencialeve natyrore, duke përmirësuar njëkohësisht aftësinë për të përballuar/kapërcyer situatat e vështira.
Fermerët rrisin efikasitetin e punës së tyre, e njëkohësisht edhe mirëqenien e fëmijëve dhe familjeve. Fermerët ndihmohen të përdorin praktika të menaxhimit të qëndrueshëm të burimeve/potencialeve natyrore, duke përmirësuar njëkohësisht aftësinë për të përballuar/kapërcyer situatat e vështira.
