World Vision Albania, në kuadër të zbatimit të projektit “Fuqizimi i familjeve përmes blegtorisë: Një udhëtim shprese dhe prosperiteti” ka hapur thirrjen drejtuar bizneseve/studiove projektuese në fushën e ndërtimit.
Më anë të kësaj thirrjeje, WVA synon të identifikojë biznese/studio projektimi inxhinierike, për të ofruar shërbimin e tyre në vlerësimin e stallave/streheve për gjedhe, në dy Njësi Administrative në Bashkinë e Durrësit.
World Vision Albania synon të nënshkruajë një kontratë 2-vjeçare me biznesin fitues për këtë shërbim.
Të gjithë bizneset e interesuar duhet të dorëzojnë dokumentet si më poshtë:
- Email për shprehje interesi
- Cerfitikatë Regjistrimi/ NIPT
Bizneset e interesuara më pas do të ftohen në platformën tenderuese COUPA të WVA, ku nëpërmjet linkut përkatës do të kenë akses për të dhënë ofertat e tyre së bashku me gjithë dokumentacionin që do të kërkohet për këtë rast.
Aplikimet duhet të dorëzohen:
- Vetëm në adresën e emailit vangjel_kojku@wvi.org
- Afati i dorezimit të aplikimeve është data 19 Gusht 2024
Na ndiqni për më shumë informacione dhe rishpërndajeni këtë njoftim për të ndihmuar në gjetjen e partnerëve të përshtatshëm.