Presidenti i Republikës së Kosovës, Hashim Thaçi, tha se arritja e marrëveshjes mes Kosovës dhe Serbisë nuk është e lehtë. Presidenti ka thënë se asnjëherë nuk kanë lejuar që në Bruksel të hapet çështja e ndarjes apo e shkëmbimit të territoreve dhe as në të ardhmen nuk do të pranohet që të hapen tema të tilla. Por sipas tij, Kosova është e gatshme që në kuadër të definimit të kufirit në mes Kosovës dhe Serbisë të bëjë korrigjimin e vijës kufitare.