Informacion përmbledhës për projektin: “Fuqizojmë gratë dhe vajzat për një jetesë të pavarur”/ Rise Her/Revitalize Independence and Solid Empowerment for Her.
- Zbatuar nga: World Vision Albania, në bashkëpunim me Forumi i Gruas Elbasan
- Zona e zbatimit: 7 Bashkitë e Qarkut te Elbasanit – Belsh, Cerrik, Gramsh, Elbasan, Librazhd, Peqin dhe Prrenjas.
- Koha e zbatimit: 1 Shkurt 2024 – 31 Korrik 2026
- Financuar nga: Delegacioni i Bashkimit Evropian në Shqipëri.
Objektivi i përgjithshëm i projektit është të forcojë kapacitetet e Organizatave të Shoqërisë Civile (OSHC-ve) për adresimin e pabarazive gjinore, veçanërisht Dhunës me Bazë Gjinore (DHBGJ) dhe krijimin e zgjidhjeve të qëndrueshme me një ndikim të afatgjatë në jetën e individëve në situatë vulnerabiliteti.
Nëpërmjet këtij objektivi, projekti e orienton fokusin tek mbështetja dhe fuqizimi i grave dhe vajzave të cilat jetojnë në situatë vulnerabiliteti, kanë vështirësi ekonomike, janë viktima të dhunës në familje dhe asaj me bazë gjinore, etj. Mbështetja e tyre do të realizohet përmes punës që do të bëhet me aktorë të ndryshëm në nivel lokal, duke përfshirë këtu profesionistë nga strukturat e Mekanizmit të Koordinuar të Dhunës në Familje (MKR), ofruesit e shërbimeve të kujdesit social lokal, OSHC-të që punojnë në këtë drejtim, vetë vajzat dhe gratë, si edhe anëtarët e komunitetit të gjerë.
Bashkëpunimi dhe koordinimi i ngushtë me Bashkitë, ndërveprimi me MKR, strukturat lokale të shërbimeve të kujdesit social, si dhe OSHC-të lokale, është thelbësor për arritjen e rezultateve të parashikuara nën këtë ndërhyrje.
Targetet kryesore të projektit:
–10 OSHC do të mbështeten me trajnime dhe/ose mbështetje financiare për të promovuar të drejtat e njeriut, fuqizimin ekonomik të grave dhe vajzave, ofrimin e shërbimeve dhe mobilizimin e komunitetit për adresimin e çështjeve të lidhura me pabarazinë gjinore dhe DHBGJ;
–5 OSHC do të përfitojnë nga skemat e grantit deri në 20,000 Euro në projekte që luftojnë dhunën me bazë gjinore;
–3 gra do të mbështeten për hapjen e start-up për fuqizimin e tyre ekonomik;
– 20 ofrues shërbimi në nivel lokal, pjesë e mekanizmit lokal të dhunës në familje, mbrotjes së fëmijëve etj, në 7 bashkitë e qarkut Elbasan do te mbështeten me programe trajnimi dhe mentorimi për të mundësuar një koordinim më të mirë ndërsektoral të punës;
–20 profesionistë si psikologë, ndihmës ligjorë etj do të mbështeten me programe këshillimi/supervizimi psikologjik;
– 350 vajza dhe gra nga shtresat e margjinalizuara dhe disvantazhuara në qarkun e Elbasanit (50/bashki) do të në përfshihen në aktivitete fuqizuese dhe ndërgjegjësuese për parandalimin e adresimin e situatave të DHBGJ dhe dhunës në familje, si dhe të ofrojë asistencë për referimin e rasteve të dhunës në bashkëpunim me strukturat/shërbimet ekzistuese;
–200 anëtarë komuniteti të përfshirë në promovimin e ndryshimeve positive të trajnuar mbi parandalimin e dhunës me bazë gjinore;
–301,834 përfitues indirekt, të arritur përmes aktiviteteve për një shoqëri më pak të dhunshme dhe të drejtë.
